சூரா 74 ஸூரத்துல் முத்தஸ்ஸிர் (போர்த்திக்கொண்டிருப்பவர்)
-
عَنِ الْمُجْرِمِينَ
குற்றவாளிகளைக் குறித்து-
74:41 -
مَا سَلَكَكُمْ فِي سَقَرَ
“உங்களை ஸகர் (நரகத்தில்) நுழைய வைத்தது எது?” (என்று கேட்பார்கள்.)
74:42 -
قَالُوا لَمْ نَكُ مِنَ الْمُصَلِّينَ
அவர்கள் (பதில்) கூறுவார்கள்| “தொழுபவர்களில் நின்றும் நாங்கள் இருக்கவில்லை.
74:43 -
وَلَمْ نَكُ نُطْعِمُ الْمِسْكِينَ
“அன்றியும், ஏழைகளுக்கு நாங்கள் உணவும் அளிக்கவில்லை.
74:44 -
وَكُنَّا نَخُوضُ مَعَ الْخَائِضِينَ
“(வீணானவற்றில்) மூழ்கிக்கிடந்தோருடன், நாங்களும் மூழ்கிக்கிடந்தோம்.
74:45 -
وَكُنَّا نُكَذِّبُ بِيَوْمِ الدِّينِ
“இந்த நியாயத் தீர்ப்பு நாளை நாங்கள் பொய்யாக்கிக் கொண்டும் இருந்தோம்.
74:46 -
حَتَّىٰ أَتَانَا الْيَقِينُ
“உறுதியான (மரணம்) எங்களிடம் வரும்வரையில் (இவ்வாறாக இருந்தோம்” எனக் கூறுவர்).
74:47 -
فَمَا تَنْفَعُهُمْ شَفَاعَةُ الشَّافِعِينَ
ஆகவே, சிபாரிசு செய்வோரின் எந்த சிபாரிசும் அவர்களுக்குப் பயனளிக்காது.
74:48 -
فَمَا لَهُمْ عَنِ التَّذْكِرَةِ مُعْرِضِينَ
நல்லுபதேசத்தை விட்டும் முகம் திருப்புகிறார்களே - இவர்களுக்கு என்ன நேர்ந்தது?
74:49 -
كَأَنَّهُمْ حُمُرٌ مُسْتَنْفِرَةٌ
அவர்கள் வெருண்டு ஓடும் காட்டுக்கழுதைகளைப் போல்-
74:50 -
فَرَّتْ مِنْ قَسْوَرَةٍ
(அதுவும்) சிங்கத்தைக் கண்டு வெருண்டு ஓடும் (காட்டுக் கழுதை போல் இருக்கின்றனர்).
74:51 -
بَلْ يُرِيدُ كُلُّ امْرِئٍ مِنْهُمْ أَنْ يُؤْتَىٰ صُحُفًا مُنَشَّرَةً
ஆனால், அவர்களில் ஒவ்வொரு மனிதனும் விரிக்கப்பட்ட வேதங்கள் தனக்கும் கொடுக்கப்பட வேண்டும் என்று நாடுகிறான்.
74:52 -
كَلَّا ۖ بَلْ لَا يَخَافُونَ الْآخِرَةَ
அவ்வாறில்லை| மறுமையைப் பற்றி அவர்கள் பயப்படவில்லை.
74:53 -
كَلَّا إِنَّهُ تَذْكِرَةٌ
அப்படியல்ல| நிச்சயமாக இது நல்லுபதேசமாகும்.
74:54 -
فَمَنْ شَاءَ ذَكَرَهُ
(எனவே நல்லுபதேசம் பெற) எவர் விரும்புகிறாரோ அவர் இதை நினைவில் வைத்துக் கொள்ளட்டும்,
74:55 -
وَمَا يَذْكُرُونَ إِلَّا أَنْ يَشَاءَ اللَّهُ ۚ هُوَ أَهْلُ التَّقْوَىٰ وَأَهْلُ الْمَغْفِرَةِ
இன்னும், அல்லாஹ் நாடினாலன்றி அவர்கள் நல்லுபதேசம் பெற முடியாது. அவனே (நம்) பயபக்திக்குரியவன்; அவனே (நம்மை) மன்னிப்பதற்கும் உரிமையுடையவன்.
74:56
மொழிபெயர்ப்பு: டாக்டர். முஹம்மது ஜான் தமிழாக்கம்